01 Yerli qısametrajlı sənədli film nominasiyası
Rəqs edən qız
Pərvanə Quliyeva
— Festival
Arxiv
2020 — 2026 · 7 buraxılış
Buraxılış · 2025
VI
VI SevilFest
VI "SevilFest" 5-13 iyul, Bakı, Şəki, Lənkəran
Sloqan: Ziddiyyətlər
VI “SevilFest” Ziddiyətlər şüarı ilə cəmiyyətin qadınlara biçdiyi ziddiyyətli rolları, qəlibləri ön plana çəkdi. Müzakirələr, masterklasslar və film nümayişləri ilə yadda qalan “SevilFest” bu il də sənədli kinonun önəmli qadın fiqurlarını qonaq etdi.
Şantal Akermanın retrospektivi çərçivəsində onun montajçısı olan Kler Aterton festivalımızda masterklassla çıxış etdi. Qonaqlar arasında həmçinin Sarayevo Film Festivalının sənədli film müsabiqəsinə rəhbərlik edən Rada Şeşiç, “Invisible Women” feminist kino kollektivinin həmtəsisçisi olan Reyçel Pronqerin adlarını çəkmək olar. 2000-dən çox izləyici qəbul edən “SevilFest” 30 filmin nümayişini həyata keçirmiş, Bakı ilə yanaşı Şəki və Lənkəranda da aktiv şəkildə tədbirlərin keçirilməsinin qayğısına qalmışdır.
Qaliblər
04 01 
02 Beynəlxalq qısametrajlı sənədli film nominasiyası
Zərifliklə zorakılıq arasında
Şirin Bahar Demirel
03 Jurinin xüsusi mükafatı
Nilo
Aysedora Karneyro
04 Jurinin xüsusi mükafatı
Gərək getməyəydik, Valeria
Atanur Nəbiyeva
Jüri
05
Rada Şeşic
Sarayevo Film Festivalında sənədli filmlər müsabiqəsinin rəhbəri
Rada Şeşiç beynəlxalq sənədli film sahəsində böyük nüfuza malik simalardan biridir. O, Sarayevo Film Festivalının sənədli film müsabiqəsinə rəhbərlik edir. Rada regionda sənədli kino sahəsinin inkişafında mühüm rol oynayan “Docu Rough Cut Boutique” platformasının həmtəsisçisidir. O eyni zamanda Trieste Film Festivalının proqramçısı və IDFA, Rotterdam kimi festivalların məsləhətçisidir. Müəllifi olduğu sənədli filmlər nüfuzlu festivallarda nümayiş olunub və mükafatlar qazanıb.
Reyçel Pronqer
Kinoşünas, kurator və “Invisible Women” kollektivinin həmtəsisçisi
Reyçel Pronqer kinoşünas, kurator və “Invisible Women” feminist kino kollektivinin həmtəsisçisidir. O, Böyük Britaniyada bir sıra aparıcı festivallar və kinoteatrlarla əməkdaşlıq edib. Reyçelin kino və vizual incəsənət haqqında məqalələri "Sight and Sound", "The Guardian", "Documentary Magazine", "MUBI Notebook" və digər nüfuzlu platformalarda dərc olunub.
Malika Muxamecan
Rejissor və "Qyzqaras" Film Festivalının təsisçisi
Rejissor Malika Muxamecan Almatı şəhərində fəaliyyət göstərən feminist təşəbbüs “Qyzqaras”ın yaradıcısıdır. O, bu platforma vasitəsilə müxtəlif film nümayişləri, mühazirələr və festival təşkil edir.
Malikanın debüt filmi "Bir gündən uzun" Şanxay Beynəlxalq Film Festivalında premyera edib. Hazırda ikinci bədii filmi üzərində işləyən rejissor poetik üsluba üstünlük verir, tənhalıq, qadınlıq və emosional yadlaşma mövzularını araşdırır.
Marina Belikova
Animasiya rejissoru
Marina Belikova Berlin mərkəzli animasiya rejissoru və multimedia sənətçisidir. Onun “Astronavtın gündəliyi” adlı animasiya filmi bir çox beynəlxalq festivallarda nümayiş olunub. Marinanın foto və qarışıq texnikalarla işlənmiş əsərləri yaddaş, şəhər məkanında insanın izi və gündəlik həyatın görünməyən tərəflərini araşdırır O həm də Faktual Animasiya Film Festivalının komandasında yer alır və sənədli animasiya sahəsində müntəzəm olaraq mühazirələr keçir.
İradə Bağırzadə
prodüser, ssenarist
İradə Bağırzadə prodüser, ssenarist, yazıçı və “ADARI Films” kino şirkətinin təsisçisi və direktorudur. Prodüseri olduğu “Buqələmun” (2013, rej. Rüfət Həsənov və Elvin Adıgözəl), “Biləsuvar” (2020, rej. Elvin Adıgözəl), “Mərmər soyuğu” (2022, rej. Asif Rüstəmov) kimi ekran işləri nüfuzlu festivallarda iştirak edib və mükafat qazanıb.
Bağırzadə 2016-cı ildə “Qızıl Pəri” milli kino mükafatına layiq görülüb. O, 2022-ci ildən Avropa Kino Akademiyasının üzvüdür.
